My Christmas all time comfort food!
My Christmas all time comfort food! 又到聖誕，又到聖誕... 話咁快聖誕節又來啦，今年好似過得特別長咁，好似發生左好多事咁。不過無事嘅無事嘅，開開心心過埋個聖誕，下年一定會好好嘅！ 我記得細細個嘅時候，每年最期待嘅都係聖誕節。點解？因為又有聖誕禮物，又有得食聖誕大餐，又有長假期，真係正到無朋友！最正就係仲有好多卡通片睇。 仲記得每次食聖誕大餐，我都好似好緊張，好期待咁。有頭盆，沙律，湯，主菜火雞，再到甜品，見到個餐牌要好多樣嘢我就超級開心啦！雖然聖誕大餐嘅主角通常都係火雞，但係我真係最憎食火雞，因為大部份都好難食（除咗上年聖誕party Kannis焗嗰隻除外）我最期待嘅返而係個甜品，甜品中我最愛嘅就係"麵包布甸" 啦！由期凍冰冰嗰陣，熱辣辣一啖咬落去，口感軟綿綿好香蛋味仲有少少麵包質感，仲有提子乾，雲呢拿香味，食完真係十分之滿足！"麵包布甸"作為聖誕大餐嘅終結真係恰到好處。因為佢會比到一種幸福嘅感覺你，這正是聖誕節嘅真題！ 大家一般食嘅麵包布甸都係軟琳琳嘅，有冇諗過食一個又脆又軟嘅麵包布甸呢？就等我Koby教大家整一個我嘅version嘅麵包布甸啦！ 麵包布丁 牛奶250ml 淡忌廉250ml 砂糖60g 雞蛋160g 雲尼拿條半枝 麵包適量 提子乾適量 1. 方包抺上牛油切一半成三角形，待用。 2. 淡忌廉，牛奶混合，砂糖，雲尼拿枝煮至微滾。 3.最後與雞蛋混合。 4.將麵包排在模內(一半在模內，一半突出模外）放上提子乾，倒入蛋糊，以150度隔熱水焗約15-20分鐘。