走過浮華大地- Volume 1
走過浮華大地- Volume 1 什麼事走過浮華大地？如果大家仲記得大台（香港唯一免費電視台）曾經做過一個節目叫做"走過浮華大地" 節目大概都係帶大家去食下啲貴野睇下啲靚嘅... 大致上都係滿足下少女啲fantasy. 我對走過浮華大地嘅定義大概同上相同，總括來講就係要"懶high"! 要"懶high"，咁又點少得嘆番個所謂"high tea" P.S 係英國"high tea" 係食cheap嘢，"low tea" 先係食貴嘢！唔知係咪因為嚟到香港，因為為"high tea" 有個"high"字，所以變咗貴嘢... 講返所謂"high tea" 先，有乜嘢係得high得個明明係食咗晏晝飯冇耐，人哋準備開工，你就去開第二餐先？ 好多少女來上我嘅甜品班嘅時候，都會問我一句：阿蛇，我真係好鍾意食文華嗰scone㗎，你快啲開返教我地整啦！無錯，去"high tea" 又點小得Scone呢！連黃偉文筆下嘅"所有下雨天"都有提及過Scone "行過咖啡室 提子司空餅香氣 在舌尖復現" 換言之好小女都對Scone情有獨中！ 今次就等我share一個超好味嘅Scone食譜比大家啦！等大家一齊係屋企都可以"走過浮華大地"！ Scone 中筋麵粉 152g 底筋粉304g 泡打粉 12.5g 牛油 227g 糖 91g 淡忌廉 130g 純乳酪 130g 鹽 1/4 tsp 1把麵粉及泡打粉過篩，加入糖，鹽略拌，用手指把牛油搓進麵粉中至牛油平均分佈。 加入淡忌廉, 純乳酪快手攪拌，小心避免麵團起筋。放入雪櫃雪30分鐘. 把粉團捍平至2-3cm厚, 對接6次，再把粉團捍平至2-3cm厚，以做型器切成圓型 。 面塗上淡忌廉, 焗爐預熱175度，把scone放進焗爐焗15分鐘至金黃色。