I Love Waffle!
I Love Waffle! Waffle 維基解密解作：格仔餅，又叫夾餅或者窩夫，係源自比利時嘅小食，將雞蛋、砂糖、麵粉、淡奶溝埋一齊，倒落個格仔形嘅模烘熱佢。吾知道大家知唔知Nike嘅復古跑鞋Waffle Racer嘅鞋底設計概念都係來自窩夫？話說有有個設計師 Bill Bowerman，佢係食早餐嘅時候見到佢老婆個塊窩夫鐵板，靈機一觸做設計左E一款經典跑鞋！ Waffle 聽落好似好簡單，但係要係香港搵一個好食嘅窩夫，仲難過搵個靚老婆（利辛本人已經搵咗個靚老婆）哈哈... 之前大量台式咖啡室進駐香港，佢哋都推出窩夫做招牌菜式。作為窩夫忠實fans的我，小弟每次懷着期待同渴望嘅心情去食佢哋嘅窩夫，但係都換來一次又一次嘅失望... 一係就係外皮太脆，楓糖漿完全索唔到入個一個窩夫裏面，一係就太琳，楓糖漿浸死咗個窩夫。試過最嚴重一次，窩夫麵粉份量太重食落去有如食過期麵包.... 今年年6月，小弟去美國旅行嘅時候係Las Vegas嘅"Bouchon"食咗全世界最好味嘅窩夫! 記得當時一入到去 Bouchon，眼見有一半以上嘅人都食緊"Waffle with Roast Chicken",再在問吓waiter有咩推介，佢諗都唔使諗就話：if you don't order " waffle with roast chicken" you will be regret! 佢講到咁唔叫都對唔住佢啦！抱着期待渴望嘅心情，我叫嗰碟窩夫+燒雞終於到啦！果然不失我所望，好味道非常！ 先講下個份量，4大件窩夫加半隻烤雞見到興奮！窩夫名副其實外脆內軟，嗰隻烤雞啲肉滑都爆！再配埋佢嗰個特製楓糖漿，簡直世界冠軍冇得說！依家諗返起都流緊口水... 你可能會話又咸又甜邊度好食呀！阿媽話咁樣仲會生飛滋添! 咁你燒雞翼嘅時候你搽吾搽蜜糖先？老實講嗰種又咸又甜嘅感覺真係好正！真係筆墨難以形容！ 咁唔係下下都可以飛去Las Vegas食架嗎！咁點算呢？唯有係屋企自己整啦！ 有好嘢梗係開心share啦！ Waffle 食普 2cup all purpose flour 2 x egg white 2 x egg yolks
Sugar 40g
1/2 cup butter 1 + 1/2 cup warm milk 1tsp instant yeast 1tsp vanilla extract A pinch of salt 1.首先將蛋白打起，備用。 2.中筋粉，蛋黃，牛奶，酵母，雲呢拿香油，糖，鹽攪勻。 3. 最後加入蛋白攪勻。 4.放入雪櫃發酵30分鐘。 5.預熱窩夫機，鐵板塗上牛油，倒入窩夫漿，烤3-5分鐘即可！ 大家快啲係屋企試吓啦！ Inked Chef Koby